Envoi n°90. Joan-Maria Petit "Petaçon/Arlequin"

Espaurugal

 

L'aviàn logat per faire paur a las agraulas

Fasià lo torn de cada camp

En tustant sus una padena.

Las filhas en passant sul camin

Se risiàn d'el sens s'amagar.

Ne siaguèt talament nafrat

Que moriguèt

En refusant lo secors de la Glèisia. (p.27)

Épouvantail

 

On l'avait loué pour chasser les corneilles

Il faisait le tour des champs

En frappant sur une poêle.

Les filles en passant le chemin

Riaient de lui sans se cacher.

Il en fut tellement blessé

Qu'il en mourut

En refusant les secours de l’Église.

Los batèus pichons

Que nadavan dins nòstras clòscas de mainatges

Finissiàn per se demesir

Onte la mar beu lo sorelh.

Mai a l'enveja de partir

Tornavan sempre

E los cargàvem de paraulas claus

Que dubrissiàn de sarralhas sens pòrta.(p. 50)

Les petits bateaux

Qui nageaient dans nos têtes d'enfant

Finissaient par s'évanouir

Là où la mer boit le soleil.

Mais à l'envie de partir

Ils revenaient toujours

Et nous les chargions de paroles clefs

Pour ouvrir des serrures sans portes.

Voldriài d'una femna islamica

Aver un enfant negre e josieu espanhòl

I aprendrià lo polonés

La santa verge e lo gascon

E tanplan l'òc referencial.(p.52)

Je voudrais d'une femme islamique

Avoir un enfant noir et juif espagnol

Je lui apprendrais le polonais

La sainte vierge et le gascon

Et peut-être l'oc référentiel.

L'amor es pas un plan pensar

Mai sovent lo desfìs

De donar çò que nos desfauta

A-n aquel monde que s'en fot

E de n'èsser pasmens content.(p.57)

L'amour n'est pas un bon sentiment

Mais souvent le défi

De donner ce qui nous manque

A tous ceux qui n'en veulent pas

Et d'en être encore content.

«Ben es mòrt que d'amor non sent

Al còr qualqua doça sabor.»

Salut Bernard de Ventadorn

Que me tornas a ma jovença

Al gost del pan de ta pastièra

E de ton forn de fogassièr

Onte cosiam de còrs de filhas

Ambe los nòstres atalhonats

E la sal gròssa de la mar

E qu'aviam una fam de lops.(p.108)

«Est mort celui qui ne sent d'amour

au cœur quelque douce saveu.»

Salut Bernard de Ventadorn

Qui me rends à ma jeunesse

Au goût du pain de ton pétrin

Et de ton four de fougassier

Où nous cuisions des coeurs de filles

Avec les nôtres en morceaux

Et le gros sel de la mer

Quand nous avions la faim des loups.

Urosament nos cal desrevelhar

Amb aquela fam terribla dels uèlhs.

Nos levar la tèrra a paladas

Dabans lo jorn.

Faire camin dins la nevada

Per carrejar la lenha mòrta.

E faire fuòc. (p. 111)

Par bonheur nous devons nous réveiller

Avec cette faim énorme dans les yeux.

Dégager la terre à grandes pelletées

Avant le jour.

Cheminer dans la neige

Pour ramener le bois mort.

Et allumer le feu.

Joan-Maria Petit Petaçon/Manteau d’Arlequin. Editions Jorn. 2006

(Certains accents sur a, i et o sont parfois inexacts : le clavier ne les connaît pas.)